ශ්‍රී ලංකා රජරට විශ්වවිද්‍යාලයීය භාෂා අධ්‍යයනාංශය විසින් සංවිධානය කෙරෙන “දිය කැට පහණ මංගල දියවර – 2022” නිර්මාණ හා සාහිත්‍ය විචාර තරගයේ සම්මාන ප්‍රදානෝත්සවයට සමගාමී ග්‍රන්ථ එළිදැක්වීම 2022 මාර්තු මස 22වන දින පස්වරු 3.00 සිට ශ්‍රී ලංකා රජරට විශ්වවිද්‍යාලයීය උපාධි ප්‍රදාන ශාලාවේදී පැවැත්වේ. එදිනට ශ්‍රී ලංකා රජරට විශ්වවිද්‍යාලයීය සමාජීය විද්‍යා හා මානව ශාස්ත්‍ර පීඨයේ භාෂා අධ්‍යයනාංශයේ විද්‍යාර්ථී භවන්ත ප්‍රමෝද් චන්ද්‍රරත්නගේ “චෙලම්” නවකථාව හා “අම්බපාලිට පිපුණු මල්” කාව්‍ය සංග්‍රහයත්, භාෂා අධ්‍යයනාංශයේ විද්‍යාර්ථී තිලංග දර්ශන දිසානායකගේ “කැණිමඬල” කෙටිකතා සංග්‍රහයත් එළිදැක්වීමට නියමිතය.
