රජරට විශ්වවිද්‍යාලයීය සමාජීයවිද්‍යා හා මානවශාස්ත්‍ර පීඨය විසින් අන්තර් විශ්වවිද්‍යාලයීය ශිෂ්‍ය විද්‍යාර්ථීන් වෙනුවෙන් සංවිධානය කරනු ලබන දෙවන විශ්වවිද්‍යාල පර්‍යේෂණ සමුළුව 2022 සැප්තැම්බර් මස 20 වන දින පෙ. ව. 9.00ට සමාජීයවිද්‍යා හා මානවශාස්ත්‍ර පීඨ ප්‍රධාන ශාලාවේදී පැවැත්වේ.
” බහුවිධ විෂය දැනුම ගවේෂණය හා කුසලතා වර්ධනය උදෙසා පර්‍යේෂණ ” තේමාව මෙවර පර්‍යේෂණ සමුළුවේ තේමාව වේ. රජරට විශ්වවිද්‍යාලයේ උපකුලපතිනී මහාචාර්ය සංජීවනී ගිනිගද්දර මහත්මියගේ ප්‍රධානත්වයෙන් පර්‍යේෂණ සමුලුව ආරම්භවීමට නියමිතව ඇති අතර එහි ප්‍රධාන දේශනය පේරාදෙණිය විශ්වවිද්‍යාලයේ අධ්‍යාපන විද්‍යා අධ්‍යයනාංශයේ අංශාධිපති ආචාර්ය වෝල්ටර් සෙනෙවිරත්න මහතා විසින් සිදුකිරීමට නියමිතය. සමාරම්භක උත්සවයේ සියලු කටයුතු සූම් තාක්ෂණය ඔස්සේ විසුරුවා හරිනු ලබන අතර පහත සබැදිය ඔස්සේ ඔබට ඒ සදහා සම්බන්ධ වීමට හැකියාව පවතී. පර්‍යේෂණ සමුළුවේ සියලු කටයුතු පුරාවිද්‍යා හා උරුම කළමනාකරණ අධ්‍යයනාංශයේ අංශාධිපති මහාචාර්ය නුවන් අබේවර්ධන මහතාගේ අධීක්ෂණය යටතේ සිදුකෙරෙනු ඇත.
Join Zoom Meeting
https://learn.zoom.us/j/63874880097?pwd=dVVhL05keTZWNWVEbnQ3ak5FamY4dz09
Meeting ID: 638 7488 0097
Passcode: Sympo@123